Заява арцыбiскупа Валенсii аб распаўсюджваннi атэiзма ў Гiшпанii.
Арцыбiскуп Валенсii Аўгустын Гарсiя-Гаско асудзiў спробы навязаць атэiзм у Гiшпанii,
акрэслiўшы яго “дзяржаўнай рэлiгiяй”, якая парушае права асобаў на вызнанне каталiцтва.
У прыватнасцi, монсiньор Аўгустын перасцярог ад забароны на любое публiчнае выяўленне
прыналежнасцi да якой-небуць рэлiгii, што, на яго думку, з’яўляецца адмаўленнем свабоды
на самавыяўленне i выключае рэлiгiю з любога дыялога з грамадствам. “Дзяржава
не можа навязваць рэлiгiю, але яна павiнна забяспечыць такiя ўмовы, пры якiх прыхiльнiкi
розных канфесiй i рэлiгiй мелi б магчымасць жыць у мiры, - падкрэслiў арцыбiскуп Валенсii.
– Царква не залежыць ад дзяржавы, i яна павiнна ставiцца з павагай да Царквы”. “Пазыцыя
католiкаў тут абсалютна ясная: Царква i дзяржава – гэта дзве зусiм розныя сферы”,
- зазначыў каталiцкi дастойнiк, цытуючы Свяцейшага Айца Бенедыкта XVI°, якi ў сваёй
энцыклiцы “Deus caritas est” указвае, што Царква не iмкнецца атрымаць “уладу над дзяржавай
i не жадае навязваць тым, хто не верыць, уласных поглядаў i паводзiнаў”. Адным
з асноўных прынцыпаў хрысцiянства арцыбiскуп Гарсiя-Гаско лiчыць паклiканне Царквы
“дапамагаць тым, што асаблiва патрабуюць”, а гэта ў сваю чаргу акрэслiвае iмкненне
Царквы да справядлiвасцi: “Царква заўсёды займалася дабрачыннасцю, i нiчога не здолее
перашкодзiць яе супрацоўнiцтву з прадстаўнiкамi розных дзяржаў дзеля асягнення сацыяльнай
справядлiвасцi”.