У Ватыкане абмяркавалi дакумент аб пастырскай працы сярод цыганоў.
У Апостальскай сталiцы адбылося абмеркаванне дакумента аб правядзеннi пастырскай
працы сярод цыганоў супрацоўнiкамi адпаведнага сектара Папскай рады да спраў духоўнай
апекi сярод мiгрантаў i падарожнiкаў. Перад сабранымi выступiў кiраўнiк названай ватыканскай
установы кардынал Ренато Мартiно. У сваёй прамове ён гаварыў аб неабходнасцi прызнання
каштоўнасцi культуры цыганоў, абароны iхняй годнасцi i павазе да iхняй iдэнтычнасцi
i праў. Кардынал Мартiно падкрэслiў, як важна здолiць адказаць на патрэбы гэтага
народа ў пошуках Бога, накiроўваючы яго ў напрамку да навукi Езуса. Ватыканскi дастойнiк
нагадаў, што пастырская праца на карысць тых, што падарожнiчаюць заклiкае ўвесь хрысцiянскi
народ да навярнення розумаў i сэрцаў з мэтай усталявання з цыганамi добрых адносiнаў.
Адносiны з iмi не заўсёды маюць нармальны характар, часта ў iх бачаць чужынцаў,
жабракоў – адсюль i паходзiць дыскрымiнацыя. Падобная пазыцыя не адпавядае пазыцыi
сапраўдных вернiкаў-хрысцiянаў, заклiканых любiць блiжняга, прапаведваць Слова Божае
i займацца эвангелiзацыяй. Сакратар Папскай рады да спраў духоўнай апекi сярод
мiгрантаў i падарожнiкаў арцыбiскуп Агостiно Маркетто ў iнтэрв’ю Ватыканскаму Радыё
паведамiў некаторыя лiчбы, якiя тычацца цыганоў. Iх агульная колькасць складае 36
млн. у свеце. Што ж тычыцца прысутнасцi Каталiцкай Царквы ў цыганскiм асяроддзi, то
маюцца спецыяльныя пастырскiя структуры з уласнымi святарамi i законнiкамi, якiм дапамагаюць
свецкiя вернiкi.