Агульная аўдыенцыя Папы ў сераду 20 сьнежня

Адбылася яна ў зале імя Папы Паўла 6-га. А трэба сказаць, што прыбыло на яе шмат вернікаў і паломнікаў з кожнага кутку сьвету. Як падаюць ватыканскія крыніцы было іх больш за 7 тысяч. Была гэта ўжо 44-я сустрэча Папы Бэнэдыкта 16-га з вернікамі ў гэтым годзе.
Сёньняшнюю катахэзу Сьвяцейшы Айцец прысьвяціў надыходзячым Сьвятам Божага Нараджэньня

У гэтых апошніх днях Адвэнту мы накіроўваем зрок да Бэтлеемскае Пячоры, ў якой прыйшоў на сьвет Адкупіцель. Ужо незадоўга мы будзем перажываць нанава праўду, што Божае Слова сталася Целам і пасялілася сярод нас. Гэтае Уцелаўлёнае Слова ( як піша Сьвяты Апостал Ян )- сказаў далей Папа Бэнэдыкт 16 - было на сьвеце але сьвет Яго не прыняў. Прыйшло да сваіх але свае Яго не прынялі. Усім тым, якія Яго прынялі- зноў сказаў Папа ў сваёй катахэзе- дало сілу, каб сталіся Божымі Дзяцьмі.
І сёньня сьвет здаецца не хоча пазнаць час свайго наведаньня. Дзеля гэтага Літургія Адвэнту- сказаў на заканчэньне сваёй катахэзы Бэнэдыкт 16- заклікае і нас, каб мы былі цьвярозымі і чуйнымі, дзякуючы поўнай веры у малітве былі гатовымі прыняць Госпада і даваць сьведчаньне аб Ягонай прысутнасьці.


На заканчэньне аўдыннцыі Сьвяцейшы Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Бласлвенства.