Administrata e Bushit: "jo" Sirisë dhe Iranit për të zgjidhur problemet e Irakut.
(15.12.06 RV) Sekretarja amerikane e shtetit, Kondolica Rajs e hodhi poshtë propozimin
e bashkëpunimit me Iranin dhe Sirinë për të zgjidhur problemet e Irakut, propozim
që bën pjesë në raportin e Komisionit Bejker. Cmimi që qeveritë e Teheranit dhe të
Damaskut mund të kërkojnë në këmbim të ndihmës së tyre – shpjegon zonja Rajs në një
intervistë për të përditshmen amerikane “Uashington Post” – mund të jetë shumë i lartë
për SHBA. Mbi gjendjen e vështirë të Irakut, kryeipeshkvi kalde i Kirkukut, imzot
Luis Sako ka vënë në dukje nevojën për të promovuar “kulturën e jetës dhe të bashkëjetesës
paqësore”. Ndryshimet ndërmjet të krishterëve, myslimanëve, shiitëve, sunitëve, katolikëve
dhe ortodoksëve – thekson prelati – duhet të krijojnë pasuri e harmoni, jo ndarje
e probleme.