Shqipëri: opozita tërhiqet nga zgjedhjet. Brukseli mund të rishikojë marrëdhëniet
me Tiranën.
(12.12.06 RV)Shqipëria përfshihet nga një krizë e re politike. Opozita e majtë
vendosi të mos marrë pjesë në zgjedhjet administrative, që do të zhvillohen më 20
janar 2008. Presidenti Moisiu po përpiqet të kryejë rolin e ndërmjetësuesit me forcat
politike, por deri tani asnjë gatishmëri për t’u ulur në tryezën e bisedimeve. Bashkimi
Evropian, nga ana e tij, u kujton politikanëve shqiptarë se zgjedhjet mbeten një test
në rrugën e Shqipërisë drejt Evropës. Shumica parlamentare dhe qeveria e Berishës
gjenden në një situatë pa krye. Për një vit me radhë, forcat politike nuk qenë në
gjendje të krijonin konsensus në parlament rreth projektligjit të ri elektoral. Ligji
aktual nuk mund të ofrojë zgjidhje, pasi siç kanë vënë në dukje edhe ekspertët e OSBE-së,
afatet e parashikuara për shumë aspekte teknike kanë skaduar prej kohësh. Boshllëkut
legjislativ i shtohet tani edhe tërheqja e opozitës, e cila refuzon të dërgojë përfaqësuesit
e saj në komisione, apo t’i impenjojë ata në hartimin e listave zgjedhore, duke bllokuar
kështu procesin. I dërguari i Komisionit Evropian për Shqipërinë dhe Bosnjën, Dirk
Lange, deklaroi se nëse zgjedhjet do të shënojnë hapa prapa në krahasim me të kaluarën,
Brukseli do t’i rishikojë marrëdhëniet me Tiranën.