Bazilikat patriarkale të Romës do të quhen papnore.
(11.12.2006 RV)Del në dritë varri i Apostullit të Popujve: gërmimet poshtë
elterit të Bazilikës së Shën Palit jashtë mureve të Romës, kanë krijuar mundësinë
të ekspozohet sarkofagu i Apostullit. Punimet, me karakter arkeologjik e fetar, u
paraqitën sot në një konferencë, në Sallën vatikanase të Shtypit. Gazetarët e shumtë
të pranishëm mësuan se gjatë punimeve, nisur që në vitin 2002, u nxuar në dritë, ndërmjet
tjerash, edhe sarkofagu i Shën Palit Apostull. Kardinali Cordero Lanca di Montexemolo,
që hapi konferencën e shtypit, shpjegoi arsyen që e shtyu Benediktin XVI t’i quajë
‘papnore’ katër bazilikat, të cilat deri tani janë quajtur patriarkale: “Shumkush
shpjegonte se titulli i Patriarkatit krijonte aluzionin se Papa, përmes bazilkave,
ushtronte titullin e posaçëm të Patrikut të Perëndimit, në kundërshtim me Patrikun
e Lindjes, gjë që nuk është aspak e vërtetë, sepse të katër bazilikat u qenë dhënë,
kohë më parë, nga papët, Patrikëve lindorë katolikë, si bazë në Romë e jo si titull
zyrtar. Prandaj Papa vendosi që tani e tutje të katër bazilikat e mëdha të quhen ‘bazilika
papnore’.