Папа Бенедыкт 16 сустрэнецца са студэнтамі і выкладчыкамі ВНУ у базіліцы Святога
Пятра ў Рыме. Гэта традыцыйнае спатканне напярэдадні Раства Хрыстовага сёлета адбудзецца
14 снежня.
Запачаткаваў малітоўныя сустрэчы з інтэлектуаламі свету Папа Ян Павел 2 у 1979 годзе.
Менавіта праз іх нарадзілася ідэя Энцыклікі "Вера і Розум". У праграме сёлетняй
сустрэчы - святая Імша, якую ўзначаліць кардынал Каміло Руіні, вікарны біскуп Рыму.
Пасля яе Папа пагутарыць са студэнтамі. Ужо 10 снежня балгарскія юнакі і дзяўчаты
прывезлі з Сафіі ў Рым ікону "Марыя-Пасад Мудрасці". З нагоды праходзячай у Вечным
горадзе 5 Еўрапейскай сустрэчы студэнтаў яна наведае перад выстаўленнем ў базіліцы
Святога Пятра некалькі парафій. Пры заканчэнні сустрэчы студэнцкуай моладзі з Папам
балгарская дэлегацыя перадасі ікону албанскай дэлегацыі. Менавіта ў Албаніі ікона
будзе знаходзіцца да 10 сакавіка 2007 году, каб зноў прыбыць у Рым на Багародзічныя
Марыйныя чуванні моладзі.