Бенедыкт ХVI° сустрэўся з супрацоўнiкамi Ватыканскiх музеяў.
Свяцейшы Айцец Бенедыкт XVI° адзначыў, што творы хрысціянскага мастацтва, і асабліва
экспанаты Ватыканскіх музеяў, здольны выклікаць асаблівыя пачуцці ў некатолікаў і
нават тых, што не вераць і дэманстраваць ім хрысціянскія ісціны. Прыймаючы дырэктароў
і супрацоўнікаў Ватыканскіх музеяў, Папа асаблівым чынам падкрэсліў важную ролю, якую
маюць гэтыя музеі ў жыцці Царквы і света. У гэтым годзе Ватыканскія музеі адзначаюць
свой 500-гадовы юбілей. Свяцейшы Айцец адзначыў, што ў бягучым годзе музеі ўжо
наведала больш за мільён асобаў – гэта на 200 000 чалавек болей, чым у мінулым годзе.
Многія наведвальнікі “не былі католікамі, а многія ўвогуле не вераць у Бога”, - дадаў
Папа. “Падыход да хрысціянскай веры праз мастацтва ці сацыяльна-культурныя выявы
мае большую магчымасць да прыцягнення ўвагі, бо накіраваны да розаму і пачуццяў людзей,
якія не належаць да Царквы, і нават да людзей, што маюць пачуццё прадузятасці ці абыякавасці
да Царквы. Наведвальнікі Ватыканскіх музеяў, аглядаючы гэтыя мастацкія творы, маюць
магчымасць пазнаюміцца з “багаслоў’ем у вобразах”, - адзначыў Свяцейшы Айцец.