Чарговыя старонкі з Кампендіума сацыяльнай дактрыны Каталіцкай Царквы.
б) Салідарнасць як сацыяльны прынцып і маральная дабрадзейнасць. 193 Новыя
этнічныя адносіны ўзаемнай залежнасці паміж людзьмі і народамі – фактычна, гэта формы
салідарнасці – павінны арыентавацца на сапраўдную этыка-сацыяльную салідарнасць.
Гэта маральнае патрабаванне маецца на ўвазе на ўсіх маральных адносінах. Такім чынам,
салідарнасць з’яўляецца нам у двух злучаных аспектах: яна – сацыяльны прынцып і
маральнае дабро. Пад салідарнасцю трэба разумець, перад усім, сацыяльны
прынцып, які арганізуе грамадскія інстытуты; на падставе гэтага прынцыпа, “структуры
граха”, галоўныя адносіны паміж людзмі і народамі, павінны быць пераадолены
і пераўтвораны ў структуры салідарнасці пры пасрэдніцтве стварэння ці належнай
мадыфікацыі законаў, у тым ліку законаў рынка, і прававых сістэмаў. Салідарнасць
– гэта і сапраўдная маральная дабрахвотнасць, а не “неканкрэтнае пачуццё спачування
ці павярхоўная жалоба пры выглядзе бедаў шматлікай колькасці людзей, блізкіх ці далёкіх.
Зусім не: гэта цвёрдая і ўпартая рашучасць імкнуцца да асгульнага дабра,
значыць да дабра ўсіх і кожнага, каб усе былі сапраўды адказнымі за ўсіх”.
Салідарнасць набывае статус фундаментальнай сацыяльнай дабрадзейнасці, бо
належыць да галіны справядлівасці – дабрадзейнасці, якая накіраваная на агульнае
дабро. Салідарнасць мае на ўвазе “імкненне да дабра блізкага з падрыхтаванасцю,
у эвангельскім сэнсе, “згубіць уласнае жыццё”, заместа таго, каб выкарыстоўваць яго,
і служыць яму, заместа таго, каб прыгнятаць яго дзеля ўласнай карысці. (пар. Мт
10, 40-42; 20, 25; Мк 10, 42-45; Лк 22, 25-2)”. В) Салідарнасць
і супольнае ўзрастанне людзей. 194 Галіна сацыяльнай навукі, якая мае дачыненне
да салідарнасці, паказвае наяўнасць шчыльных сувязяў паміж салідарнасцю і агульным
даюбром, паміж салідарнасцю і агульным прызначэннем дабротаў, паміж салідарнасцю і
роўнасцю людзей і народаў, паміж салідарнасцю і мірам ва ўсім свеце. Тэрмін “салідарнасць”,
якім шырока карыстаюцца тыя, што займаюцца Настаўніцтвам, выказвае патрабаванне прызнаць
у сукупнасці сувязяў, якія аб’ядноўваюць людзей і сацыяльныя групы паміж сабой, абшару,
нададзеную чалавечай свабодзе дзеля супольнага ўзросту людзей. Намаганні ў гэтым напрамку
робяцца станоўчым укладам у агульную справу, у пошуках магчымага ўзаемнага паразумення
нават там, дзе ёсць логіка падзялення і фрагментарнасці; гэтыя высілкі ўмацоўваюць
падрыхтаванасць губляць сябе дзеля дабра іншага чалавека, пераадольваючы ўсялякі ўсялякі
індывідуалізм і партыкулярызм. 195 Прынцып салідарнасці заахвочвае людзей нашых
часоў усё ў большай ступені разумець, што яны маюць доўг перад грамадствам, у якое
ўключаны: яму яны забавязаны ўмовамі, якія робяць чалавечае жыцццё магчымым; яны
забавязаны яму і спадчынай, непадзельнай і неабходнай, якая складаецца з кульптуры,
навуковых ведаў і тэхналогій, матэрыяльных дабротаў і нематэрыяльных дабротаў – усім
плёнам чалавечага вопыта. Падобны ж дыялог трэба прызнаваць у розных выявах грамадскай
дзейнасці; тады рух людзей не перарвецца, але да яго далучацца сучасныя і будучыя
пакаленні, закліканыя ў салідарнасці падзяліць адно з іншым адзіны дар. г) Салідарнасць
у жыцці і ў навіне Езуса Хрыста 196 Непераўзойдзеная вершыня, да якой вядзе
азначаная перспектыва, - гэта жыццё Езуса з Назарэта, новага Чалавека, салідарнага
з чалавецтвам да “смерці”: у Iм заўсёды магчыма пазнаць жывы знак непамернай і
трансцэндэнтнай любові да Бога, Які бярэ на Сябе хваробы ўласнага народа, ідзе разам
з ім, збаўляе яго і стварае ў еднасці. У Iм і дзякуючы Яму мы можам адчуць, што і
сацыяльнае жыццё, нават са сваімі супрацьлегласцямі і двухсэнсоўнасцю, ёсць абшарай
для жыцця і надзеі, бо служыць знакам Божай Ласкі, якую Бог стала прапануе ўсім людзям,
заклікаючы іх да найвышэйшых і агульных формаў дачынення. Езус з Назарэта ясна
ўказвае ўсім людзям на сувязь паміж салідарнасцю і любоў’ю і адкрывае ўсё значэнне
гэтай сувязі. “У святле веры салідарнасць імкнецца пераўзыйсці сябе, увайсці
ў ў спецыфічна хрысціянскае вымярэнне поўнай бескарыснасці, прабачэння і прымірэння.
Тады блізкі робіцца не проста чалавекам з уласнымі правамі і з ўласнай фундаментальнай
роўнасцю перад іншымі, але робіцца жывым вобразам Бога Айца, адкупленым крывёю
Езуса Хрыста і трывала падпадаючым пад дзеянне Святога Духа. Таму блізкага трэба любіць,
нават калі гэта вораг, той самай любоў’ю, якой яго любіць Пан; дзеля яго я павінен
быць падрыхтаваны прыняць ахвяры, і нават найвялікшую ахвяру: “”Аддаць жыццё за братоў”
(пар. 1 Ян 3, 16)”.