Mëse një mijë të vdekur në Filipine. Mungon çdo gjë.
(04.12.06 RV) Llava e baltës dhe e gurëve të tajfunit Durian në Filipine ka
shkaktuar tashmë 1049 viktima, sipas bilancit të fundit të njoftuar nga Mbrojtja Civile.
Kryqi i Kuq lokal ka bërë thirrje urgjente për ndihma, pasi mungojnë uji i pijshëm,
ushqimet dhe ilaçet. Për gjendjen në të cilën ndodhet vendi, flet në mikrofonin tonë
nunci apostolik i Filipineve, mons. Fernando Filoni: Zona e goditur ndodhet
në pjesën qendrore. Përfshin 5-6 dioqeza, prej të cilave ajo ku ndodhet vullkani Majon
është më e goditura. Përveç të vdekurve kemi edhe mijera të plagosur. Tajfuni nuk
erdhi pa pritur, por parashikimet thoshin se do të shkonte drejt veriut. Pa pritur
ndryshoi drejtim, duke e prerë vendin praktikisht përgjysëm. Gjithashtu këto zona
janë të çpyllëzuara, prandaj ekziston një vështirësi natyrore për ata që banojnë rrotull
vullkanit. Solidariteti i Kishës dhe sidomos i Papës erdhi menjëherë, gjë që gazetat
e kanë vlerësuar shumë.