(04.12.06 RV) Ministri i jashtëm italian, Massimo D’Alema ndodhet në Serbi,
ku është takuar me autoritetet më të larta të vendit. Propozimi i tij për zgjidhjen
e çështjes së Kosovës, shkon sipas linjës të zakonshme italiane në konfliktet e të
gjitha llojeve dhe mund të përmblidhet me një fjalë: “kompromis”. Por ja citimi i
D’Alemës: “një zgjidhje që të respektojë aspiratat e shumicës së kosovarëve, që të
mos jetë poshtëruese për Serbinë dhe të japë garanci për pakicat kombëtare në Kosovë”.
Vetëm se një kompromis i tillë duket i pamundur, për faktin se palët as që flasin
ndërmjet tyre e jo më të ulen në tryezën e bisedimeve, për të lëshuar pe nga qëndrimi
që mbajnë tashmë.