Пятніца 1-га сьнежня была апошгім днём Апостальскага Падарожжа ў Турцыю. Раніцай,
а гадзіне 9-й паводле беларускага часу, Папа прыбыў да Каталіцкае Царквы Сьвятога
Духа дзе адслужыў Сьвятую Імшу. На ёй прысутнічаў таксама Усяленскі Праваслаўны
Патрыярх Барталамей 1-ы. Сьвятая Імша была адслужана ў лацінскай мове. У сваім казаньні
Папа Ратцынгэр сказаў: На заканчэньне
майго патырскага візіту ў Турцыю, я задаволены з сустрэчы з каталіцкай супольнацю
Істамбулу. Затым Папа падзякаваў усім за прысутнасьць на ёй, зноў вітаючы перад усім
Патрыярха Барталамея 1-га. У гэтай Царкве Сьвятога Духа жадаю падзякаваць Богу за
ўсй тое, што Ён зрабіў на працягу ўсёй гісторыі чалавеку ды паклікаць ўсіх упрошваць
дару Сьвятога Духа. Як нам прыпомніў Сьвяты Павал- сказаў далей ў сваім казаньні
Папа- Сьвяты Дух зьяўляецца крыніцаю нашае веры ды нашага адзінства. 27-м гадоў
таму назад- працягваў Папа- у гэтай самай Царкве, мой Папярэднік Ян Павал ІІ выказаў
жаданьне, каб золак новага Тысячагоддзя “змог зрабіць уплыў на Касьцёл адшукаць сваё
поўнае адзінства; каб змог лепш сьведчыць пра любоў Бога, што абьявілася ў Ягоным
Сыне Ісусе Хрысьце”. Гэтае жаданьне- сказаў Бэнэдыкт 16—яшчэ не ажыцьцявілася, але
жаданьне Рымскага Папы заўсёды тое самае і падштурхоўвае нас, вучняў Хрыста, ісцьі
дарогаю, якая вядзе да адзінства, ставячы справу экумэнізму на першым месцы нашых
турботаў (клопатаў) на царкоўнай ніве. Пасьля Сьвятой Імшы, а гадзіне 11.15, паводле
рымскага часу, Папа адправіўся на міжнароднае лётнішча ў Істамбуле, дзе адбылася
цырымонія разьвітаньня з Турцыяю. Афіцыяльных прамоваў не было. Варта магчыма прыгадаць,
што быў таксама прысутным на лётнішчы Патрыярха Барталамей 1-ы. Самалёт Папы прызямліўся
на рымскім лётнішчы Чампіно каля гадзіны 14-й паводле рымскага часу. Такім чынам
закончылася 5-е міжнароднае Апостальскае Падарожжа Папы Бэнэдыкта 16; 118-е Апостальскае
падарожжа Рымскіх Папаў па-за межы Італіі.
Назіральнікі гэтага Апостальскага
Падарожжа падкрэсьліваюць вялікае значэньне візіту Папы у Турцыю для будучага экумэнічнага
дыялогу. Хрысьціяне розных веравызнаньняў удзячныя Папе за прыгаданьне ім, у розных
сустрэчах, пашаны правоў для ўсіх рэлігійных меншасьцяў у Турцыі. Хрысьціяне ў Турцыі
прысутныя але пазбаўленыя правоў. Па-за Касьцёлам каталіцкія сьвятары не могуць насіць
царкоўнае вопраткі. Экумэнічныя сустрэчы, якія меў Папа, напаўняюць надзеяю. А ў
сваю чаргу расейскія масс-мэдыя многа месца прысьвячаюць сустрэчы Папы з Барталамеям
1 –м, хаця магчымыя вынікі гэтае сустрэчы для праваслаўна-каталіцкага прымірэньня
паменшваюцца з огляду на малое значэньне, якое ў Расіі прыпісваецца Канстантынопальскаму
Усяленскаму Патрыярхату. Мітрапаліт Кірыл сказаў, што чаканьні Расейскага Праваслаў”я
ад сустрэчы Бэнэдыкта 16 з Барталамеям 1-м тычацца “скасаваньня супольных вінаў Канстантынопальскага
Патрыярхату і Ватыкану за падзел хрысьціянаў у 1054 годзе”. Мітрапаліт выказаў надзею,
што сучасны сьвет пачуе прарочыя словы супольнага сьведчаньня хрысьціян Усходу і Захаду,
якія тычацца праблемаў, што існуюць у сучасным сьвеце.