Кіраўнік місіі францішканаў у Босніі а.Мійо Дзолан заявіў, што поўны крах перагавораў
аб аднаўленні перадваеннай Босніі і Герцагавіны прывёў да таго, што многія католікі
выехалі з краіны. Пад час свайго візіта ў штаб-кватэру міжнароднага каталіцкага
дабрачыннага фонда “Царква ў патрэбе” а.Дзолан падкрэсліў, што “становішча Царквы
ў краіне так і не палепшылася і католікаў па-ранейшаму прыгнятаюць”. “Перагаворы,
накіраваныя на выкарыненне дыскрымінацыі ў адносінах да католікаў, так і не мелі ніякага
выніка. Да той пары, пакуль не будуць унесены змены ў Дейтонскую канстытуцыю, прынятую
на Балканах у 1995 годзе, пакласці канец крызісу, у выніку якога больш за палову католікаў
Босніі і Герцагавіны ўцяклі з краіны, будзе вельмі складана”, - падкрэсліў а.Дзолан. “Католікі
адчуваюць сябе пакінутымі на волю лёсу. У іх няма ніякай упэўненасці у тым, што іх
становішча неяк палепшыцца”, - зазначыў святар-францішканін.