Në Liban Ministri i Brendshëm tërheq dorëheqjen; Ratifikohet integrimi i Rumanisë
dhe Bullgarisë në BE e lajme të tjera.
(24.11.06 RV) Mbetet i lartë tensioni në Lindjen e Mesme. Një fëmijë dhe një
militant i Hamasit u vranë nga zjarri izraelit në veri të Gazës. Ndërkaq, Izraeli
e ka refuzuar propozimin për armëpushim të disa grupeve të Intifadës. Ata impenjoheshin
të mos gjuanin me raketa mbi qytetin Negev, nëse Izraeli do të kishte ndalur operacionet
ushtarake në Gaza dhe Cisjordani. Burime zyrtare komentuan se propozimi nuk ishte
serioz.
Liban. Një ditë pas funeralit të ministrit të vrarë Pierr Xhemajel,
Ministri i Brendshëm tërhoqi dorëheqjen që pati paraqitur në shkurtin e kaluar, duke
pasur parasysh situatën delikate të vendit. Në bazë të Kushtetutës, nëse një e treta
e ministrave japin dorëheqjen, qeveria konsiderohet e rënë. Dy javë më parë 6 ministra
të tjerë kanë dhënë dorëheqjen.
Përfundoi sot procesi i ratifikimit të
integrimit të Rumanisë dhe Bullgarisë në Bashkimin Evropian. Vendi i fundit, që
vuri firmën për hyrjen e të dyja vendeve në Bashkimin Evropian që nga 1 janari i vitit
2007 qe Gjermania.
Në mbledhjen e Rigës, në Letoni, në program për 28 dhe
29 nëntor, vendet e NATO-s do të nënshkruajnë një marrëveshje për zgjerimin e
detyrave të aleancës, duke përfshirë edhe antiterrorizmin, parandalimin e sulmeve
informatike dhe sigurinë e burimeve natyrore. Është një lloj reforme e Paktit për
10-15 vjetët e ardhshme.