Убачыць свет зборнік прамоў Бенедыкта XVI° у Германіі. 20 лістапада кніга, названая
“Хто верыць – той не самотны”, будзе прадстаўлены ў бібліятэцы ААН у Нью-Йорку. Тым
самым аўтары ідэі спадзяюцца, што ўсе людзі, якія жадаюць пазнаёміцца з тым, што на
самой справе сказаў Свяцейшы Айцец, будуць мець магчымасць зрабіць гэта. Акрамя згаданага
зборніка будзе прадстаўлена і кніга тады яшчэ кардынала Язэпа Рацынгера “Хрысціяне
і крызіс культур”. Ватыкан на цэрымоніі прэзентаціі будзе прадстаўляць арцыбіскуп
Чэлесціно Мільоре, сталы назіральнік Святога Пасада пры ААН. З прамовай выступяць
Джордж Вейгел, рэктар Цэнтра сямейнай і этычнай палітыкі ў Вашынгтоне і італьянскі
сенатар Марчелло Пера.
Усе прамовы, зробленыя Бенедыктам XVI° пад час яго візіта ў Баварыю, былі сабраныя
ў адзінае выданне і надрукаваныя выдавецтвам “Cantagalli” і ватыканскім выдавецтвам
“Libreria editrice vaticana”. Публікацыя зборніка накіравана на тое, каб пазнаёміць
людзей не толькі з поўным тэкстам прамовы Папы ў Рэгінсбургу, але і з усімі яго выступленнямі,
якія трэба разглядаць у адзіным комплексе.