Абнародвана праграма візіту Свяцейшага Айца ў Турцыю.
Прэсавая служба Апостальскай сталіцы абнародвала агульны план візіта Свяцейшага Айца
Бенедыкта XVI° у Турцію. Папа пакіне рымскі аэрапорт Фюмічіно ў 9 гадзін раніцы
ў аўторак 28 лістапада. У час дня па мясцоваму часу ён прыляціць у аэрапорт Эсенбога
ў Анкаре. Спачатку Свяцейшы Айцец наведае маўзалей Кемаля Ататюрка, які стварыў
Турэцкую рэспубліку ў 1923 годзе. Потым адбудзіцца прывітальная цэрымонія і спатканне
з прэзідэнтам Турціі Ахметам Неджеджетам Сезерам. Пасля гэтага Бенедыкт XVI° сустрэніцца
з намеснікам прэмьер-міністра Турціі, а потым з прадстаўніком урадавага дэпартамента
па справах рэлігіі, спадаром Алі Бардакоглу. Напрыканцы дня Папа прыбудзе ў сядзібу
Апостальскай нунцыатуры. На наступны дзень, 29 лістапада, запланаваны візіт Свяцейшага
Айца ў Iзмір, трэці па велькасці горад Турцыі, вядомы, як “перла Эгейскага мора”.
Пасля гэтага ён наведае Эфес – горад, у якім жыў і прапаведаваў апостал Павел. Згодна
паданню, Панна Марыя і эвангеліст Ян таксама жылі ў гэтым горадзе. У Эфесе Бенедыкт
XVI° узначаліць Святую імшу ў Доме Марыі і прамовіць казанне. Эфес вядомы таксама
тым, што ў 431 годзе там адбыўся Сусветны сабор, на якім Маці Езуса была афіцыйна
абвешчана Багародзіцай. У сераду ж, 29 лістапада, Папа выляціць з Iзміру ў Iстамбул,
дзе наведае патрыяршы сабор св.Георгія ў Фанары і дзе адбудзіцца яго спатканне з Сусветным
Патрыярхам Барталамеям I°. Раніцай наступнага дня, 30 лістапада, Бенедыкт XVI°
прыйме ўдзел у Боскай літургіі ў Фанарскім храме св. Георгія. Чакаецца, што па заканчэнні
літургіі голавы двух Цэркваў падпішуць супольную дэкларацыю. Такім чынам Папа
выканае галоўную мэту свайго падарожжа: адкажа на запрашэнне Патрыярха Барталамея
I° прыняць удзел у святкаванні дня св. Апостала Андрэя Першапакліканага, нябеснага
заступніка Канстантынопальскага патрыярхата, які асаблівым чынам ушаноўваецца менавіта
30 лістапада. Пасля абеда разам з Барталамеям I° Свяцейшы Айцец накіруецца ў храм
св. Сафіі і армянскі апостальскі катэдральны сабор, дзе спаткаецца з Каталікосам Месробам
I°. У гэты ж дзень Бенедыкт XVI° сустрэніцца з мітрапалітам Сірыйскай (дохалкідонскай)
Царквы і галоўным рабінам Турціі, а вечарам – з каталіцкімі біскупамі краіны. У
пятніцу, 1 снежня, Папа узначаліць Богаслужбу ў каталіцкай катэдры Iстамбула, пасля
чаго накіруецца ў аэрапорт і выляціць у Рым. Наша даведка: да Бенедыкта XVI° Iстамбул
ужо наведвалі Папы Павел VI° (у 1967 годзе) і Ян Павел II° (у 1979 годзе). Каля
99 % 70-мільённага насельніцтва Турціі – мусульмане, па большасці сунніты. Католікі
складаюць толькі 0,04 % жыхароў краіны.