Papa organizon më 16 nëntor mbledhjen e kryetarëve të dikastereve të Kuries Romake
për të shqyrtuar çështjen e imzot Milingos.
(14.11.2006 RV)Salla e Shtypit e Selisë së Shenjtë njoftoi sot, përmes një
komunikate, se Papa ka thirrur për të enjten e ardhshme, më 16 tetor, një mbledhje
për të reflektuar mbi kërkesat e heqjes së detyrimit të çelibatit dhe të ripranimit
në misionin meshtarak, paraqitur nga meshtarët e martuar gjatë viteve të fundit. Komunikata
saktëson se në rendin e ditës nuk parashikohen argumente të tjera. Kujtojmë se
Kisha e priti me dhimbje të thellë vendimin e kryeipeshkvit Milingo për t’iu kundërvënë
bashkimit kishtar, duke shuguruar ipeshkvij 4 meshtarë, pa mandatin e nevojshëm papnor.
Shugurimi, i pavlefshëm, që u bë më 24 shtatorin e kaluar në Uashington, pati si
pasojë shkishërimin “latae sententiae” ose, thënë shqip, përjashtimin e menjëhershëm
nga radhët e bashkimit kishtar të kryeipeshkvit dhe të 4 meshtarëve. Për më tepër,
Imzot Milingo, krijoi shoqatën e meshtarëve të martuar, duke ngjallur përçarje e pakënaqësi
ndërmjet besimtarëve. Në këtë gjendje anormale, tepër të trishtuar kisha
i ftoi e vijon t’i ftojë katolikët ta lusin Zotin që ky vëlla të pendohet e të bëjë
kthesë.