(07.11.06 RV) Amerika ka hapur kutitë e votimit për zgjedhjet e mesit të mandatit,
të cilat konsiderohen gur prove për presidentin Xhorxh Bush. Do të rizgjidhen 435
anëtarët e Dhomës së Deputetëve, 33 nga 100 senatorët dhe guvernatorët e 36 shteteve
ndër 50. Vetë Xhorxh Bush, sëbashku me të shoqen, kanë votuar në Krouford të Teksasit
e tani po presin rezultatet në Uashington. Nesër në orën 6 të mëngjesit, sipas orës
evropiane, do të mbyllen kutitë e fundit të votimit. Fushata zgjedhore është mbyllur
me thirrjen e Bushit për të votuar republikanët, në mënyrë që të mos dobësohet një
vend si SHBA, i impenjuar në Irak e në luftën globale kundër terrorizmit.