Klima katastrofike nëse nuk reduktohen gazet e efektit serë.
(07.11.06) Ndërhyrjet në favor të ambientit janë tashmë urgjente. Ky është
thelbi i diskutimeve që kanë filluar në Nairobi të Kenias, ku dje u hap Konferenca
vjetore e OKB-së mbi ndryshimet klimaterike. Marrin pjesë 6 mijë delegatë nga 189
vende të botës. Është në lojë e ardhmja e botës, pasi nëse nuk reduktohen gazet që
shkaktojnë efektin serë në planet, klima mund të ndryshojë rrënjësisht, aq sa të sjellë
vështirësi të jashtëzakonshme ekonomike për mbarë njerëzimin. Protokolli i Kiotos
për ambientin parashikon reduktimin e këtyre gazrave me 5%, por vende si SHBA, të
cilat të vetme prodhojnë një të tretën e gazrave, nuk janë dakord me këtë objektiv.