Sot Papa priti në audiencë presidentin hungarez, Lazlo Soliom.
(6.11.2006 RV)Presidenti hungarez, që sipas një komunikate të Sallës së Shtypit
të Selisë së Shenjtë - më pas u prit edhe nga sekretari i Shtetit të Shenjtërisë së
Tij, Kardinali Tarçizio Bertone - gjatë takimit me Benediktin XVI, foli për situatën
në vend e posaçërisht për vlerat tradicionale morale dhe fetare në shoqërinë hungareze.
U fol edhe për zbatimin e marrëveshjes ndërmjet Republikës së Hungarisë dhe Selisë
së Shenjtë mbi financimin e veprimtarive të shërbimit publik dhe shërbimeve të tjera
tipike fetare, në fuqi që nga viti 1997 si dhe për probleme të tjera që kanë të bëjnë
me marrëdhëniet ndërmjet Kishës e Shtetit. Pati edhe një shkëmbim opinionesh – përfundon
nota – mbi temat e integrimit evropian dhe të rrënjëve të krishtera të Kontinentit.