Shqipëria është në vendin e 111-të, sipas raportit mbi korrupsionin botuar nga Transparency
International
(06.11.06 RV)Transparency International publikon raportin që u vë 163 shteteve
notë, në bazë të korrupsionit. 15 shkallë më sipër se vitit i kaluar. Dp të ishte
një përparim i dukshëm, sikur shkallët më shumë të mos e linin vendin gjithnjë në
bisht, me një situatë që edhe organizata në fjalë e quan “problematike”.
Gazeta
e perditshme shqiptare "Shekulli”, ne nje shkrim te dites se sotme, njofton se qeveria
s’ka planifikuar asnjë fond, për t’u përdorur në raste emergjencash apo fatkeqësish.
Të dhënat e detajuara të buxhetit të vitit 2007, të cilat janë bërë të ditura prej
disa ditësh nga Ministria e Financave, tregojnë se në fondet nga buxheti i shtetit,
për vitin që vjen nuk është ndarë asnjë shumë për emergjencat. Kështu, në detajimin
e fondeve për Ministrinë e Brendshme, e cila ka si detyrë dhe përballimin e emergjencave,
vihet re se në zërin “Emergjenca” shuma e financimit është zero. Kjo do të thotë që
qeveria dhe banorët e zonave të ndryshme në Shqipëri, të cilët përballen shpesh me
fatkeqësi natyrore, duhet të shpresojnë që gjatë 2007-ës të mos ndodhë asgjë, që t’i
vendosë në pozita të vështira.