(6.11.2005 RV)Një pishar i ndezur në shenjë harmonie ndërmjet feve të botës:
dje në Asizi të rinjtë bashkuan flakën e tyre me atë të Pishtarit që digjet
pa u shuar asnjëherë që në vitin 2002, kur Gjon Pali II, së bashku me shumë prijës
fetarë, u lut për botën e tronditur pak dit, më parë nga tmerri i 11 shtatorit. Me
këtë gjest simbolik filloi takimi i parë rinor, organizuar nga Këshilli Papnor për
dialogun ndërfetar, në kujtim të ngjarjes që e shndërroi qytezën françeskane në ikonë
të harmonisë ndërmjet besimtarëve të feve të ndryshme: ditës botërore të lutjes të
tetorit 1986. Njëzet vjet pas këtij takimi të paharrueshëm historik, kardinali
Etçegarai, organizatori kryesor i takimit të 1986-tës, duke iu drejtuar të rinjve
të feve të ndryshme, mbledhur dje në Asizi për ta përkujtuar takimin e madh të thirrur
nga Gjon Pali II, theksoi se të rinjtë duhet ta përballojnë dialogun ndërfetar me
pergjegjësi, në mënyrë krijuese e me bindje personale. Dje u shpall
i Lum atë Mariano de la Mata Apariçio, meshtar agostinian, ‘mbrojtës i fëmijëve
dhe i të varfërve’. Kremtimin me ritin e lumnimit, mbajtur në katedralen e Shën
Palit në Brazil, e kryesoi kardianli Hosè Saraiva Martins, prefekt i Kongregatës për
Çështjet e Shenjtorëve. I lumi i ri lindi në vitin 1905 në Spanjë. Në Urdhërin
e Agostinianëve hyri në vitin 1921. Dhjetë vjet më vonë eprorët e nisën për në Brazil
e pikërisht në San Paolo, ku jetoi më se 50 vjet, ditë-natë në shërbim të të varfërve.
Vdiq në vitin 1983.
Dialogu ndërmjet të krishterëve
dhe islamikëve, roli i laikëve në bashkësitë e krishtera dhe drama e emigrantëve që
vijnë nga zona Subsahariane, ishin temat kryesore që prekën ipeshkvijtë e Veriut
të Afrikës, mbledhur pak ditë më parë në Tuniz Ipeshkvijtë vunë theksin mbi
formimin e njerëzve, për ta përballuar problemin e vështirë të vazhdimësisë të pranisë
së krishterë në vendet ku nuk ka veprimtari baritore të drejtpëdrejta. Prelatët folën
edhe për dialogun ndërmjet të krishterëve e islamikëve e sidomos për rolin e laikëve,
të cilët po i ndihmojnë konkretisht meshtarët e murgeshat në punën e tyre të vështirë
ndër bashkësitë e vogla të krishtera.