Nesër Universiteti Papnor Gregorian do të presë me gëzim Papën Benedikti XVI.
(2.11.2006 RV) Është e 26-ta herë që papët kapërcejnë pragun e Universitetit
të njohur romak. Vizita e Benediktit XVI në Universitetin Papnor Gregorian bën pjesë
në një traditë të madhe, që na kujton se ndërmjet viteve 1564 e 1982 Gregoriana është
vizituar 25 herë nga disa papë, prej të cilëve kanë shkelur në të më se një herë
Piu IX, që e ka vizituar universitetin pesë herë dhe Gjon Pali II, dy herë. E kjo
flet qartë për lidhjen e ngushtë të Gregorianës, që ka mbushur 450 vjet, me papën.