У італьянкім горадзе Асізі - на славутай радзіме Святога Францыска ад 4 па 7 лістапада
збярэцца моладзь з цэлага свету. Прадстаўнікі розных рэлігій будуць раздумваць аб
стаўленні міра ў сучасным свеце.
Сустрэчу моладзі у інтэнсіі мірнай будучыні збірае Папская Рада па міжрэлігійным
дыялогу. Яе старшыня кардынал Поль Пупар сказаў прынагодна журналістам, што Сусветная
Царква стварае магчымасць абмяняцца ідэямі з надзеяй, што моладзь станецца інструмантам
паразумення, згоды і надзеяй на росквіт міра. Як гэта павялося ад запачаткавання
Папам Янам Паўлам 2-м у 1986 годзе Сусветнага дня "Малітвы аб міры з Асізі",
дапамагаць маладым і зараз будуць мясцовыя манахі-францішканцы і сама дыяцэзія
Асізі-Начэры.