Imzot Tomazi uron të demokratizohet Këshilli i Sigurimit i OKB-së.
(25.10.2006 RV)U kremtua dje në mbarë botën Dita ndërkombëtare e Kombeve të
Bashkuara. Ishte një rast i përshtatshëm për të vënë theksin mbi sfidat që duhet të
përballojë OKB-ja si dhe për shpresat që kanë të bëjnë me reformat e organizatës.
E kjo edhe në përspektivë të fillimit të detyrës të sekretarit të ri të përgjithshëm,
jugkoreanit Ban Ki-Moon. Të dëgjojmë reflektimin e imzot Silvano Tomazit, vëzhgues
i përhershëm i Selisë së Shenjtë pranë zyrës së OKB-së në Gjenevë: Përgjigje:
- Shpresohet shumë që ndërrimi i udhëheqjes së Kombeve të Bashkuara ta shpejtojë
procesin e reformimit të kësaj makine vigane burokratike. Hapi i parë u bë me reformimin
e Këshillit për të drejtat e njeriut, në veprimtarinë e të cilit, edhe pas një viti,
vërehen disa mnagësi që ndoshta duhet të ndreqen. Është pastaj problemi themelor,
që ka të bëjë me Këshillin e Sigurimit. E kjo sepse atje zhvillohen betejat më të
forta e më të ashpra, prandaj duhet që në këtë strukturë të ketë një pjesëmarrje më
të gjërë e më reale e t’i jepet më shumë zë Asamblesë së përgjithshme, duke ndjekur
rrugën e risimit e të modernizimit.