OKB-ja u përgjigjet sfidave të çarmatimit. Intervistë me de Misturën.
(24.10.06 RV) Bie sot dita ndërkombëtare e Kombeve të Bashkuara për çarmatimin.
“Të bashkohemi për të përballuar me sukses kërcënimet globale”: ky ishte mesazhi i
sekretarit të përgjithshëm Kofi Annan për këtë datë, në të cilën OKB-ja reflekton
mbi rolin e saj në botë. SHBA, por edhe shtete të tjera e kanë akuzuar shpesh Pallatin
e Qelqit se nuk është në gjendje t’u bëjë ballë sfidave të kohës, si terrorizmi apo
luftrat. OKB-ja nuk është gati të ndërhyjë aty ku nuk pret puna. Nuk është i të njëjtit
mendim, i dërguari i sekretarit të përgjithshëm dhe drejtori i shkollës së studimeve
të Kombeve të Bashkuara në Torino, Stafan de Mistura: Në këtë kuptim, OKB-ja
shpesh nuk ka falimentuar e kur ka falimetuar është kthyer gjithnjë në plan të parë,
pa u lënë mënjanë. Shembull: isha në Kosovë, kur kuptuam se OKB-ja nuk u pyet e, ajo
që ndodhi në Kosovë në fillim nuk u bë në kuadrin e Kombeve të Bashkuara. Gjithsesi,
më pas çdo gjë u rregullua. Edhe në Irak, OKB-ja u anashkalua, por gjithsesi u bë
më pas e nevojshme dhe e pazëvendësueshme si organizëm ndërkombëtar, për të organizuar,
për shembull tani, konferencën ndërkombëtare e rindërtimin e Irakut. Si përfundim,
OKB-ja nuk është e mund të mos jetë kurrë e përkryer, por këtë kemi në dorë. Është
sidomos një ideal që duhet çuar përpara.