Папа сустрэўся з прадстаўнікамі антыдыффармацыйнай лігі.
12 кастрычніка Свяцейшы Айцец спаткаўся з прадстаўнікамі Антыдыффамацыйнай лігі,
штаб-кватэра якой знаходзіцца ў Нью-Йорку. Папа заявіў прадстаўнікам гэтай юдэйскай
арганізацыі, што сапраўдны рэлігійны дыялог заснаваны не проста на талерантнасці,
але на ўзаемнай павазе. Бенедыкт XVI° нагадаў аб шматлікіх стапканнях прадстаўнікоў
лігі з яго папярэднікам Янам Паўлам II° і запэўніў дэлегатаў у сваім жаданні працягваць
падобныя кантакты. “У сучасным свеце перад рэлігійнымі і палітычнымі лідэрамі
стаіць складаная задача па падвышенню ўзроўня дыялога паміж народамі і культурамі.
Эфектыўнае вырашэнне яе патрабуе паглыблення нашага ўзаемнага паразумення і агульнага
імкнення да стварэння больш справядлівага і мірнага грамадства. Нам трэба пазнаць
адзін іншага лепей і, засноўвываючыся на гэтых ведах, ствараць адносіны не столькі
на цярплівасці, як на сапраўднай павазе”, - адзначыў Папа. “Юдэяў, хрысціянаў
і мусульманаў аб’ядноўвае шмат рэчаў, і існуе аграмадная колькасць галінаў гуманітарнага
і сацыяльнага характара, у якіх мы маем магчымасць і будзем здольныя супрацоўнічаць”,
- падкрэсліў Свяцейшы Айцец. Ён нагадаў таксама аб “юдэйскіх каранях” хрысціянства,
і што Царква асуджае ўсе формы нянавісці і пераследаванняў, накіраваных супраць юдэяў,
і ўсе праявы антысімітызма ў любых формах.