Ngushëllimet e Papës për vdekjen e kardinalit Pompeda.
(18.10.2006 RV) Mbrëmë në Romë ndërroi jetë në moshën 77 vjeçare, kardinali
Françesko Pompeda, prefekt i Gjykatës së lartë të Senjaturës Apostolike nga viti 1999
deri në vitin 2004. Papa shprehu ngushëllimet e tij përmes një telegrami drejtuar
imzot Sebastiano Sanguinetit, administrator apostolik i Ozierit, në të cilin e kujton
të ndjerin si jurist të shquar dhe bashkëpunëtor të zellshëm të Selisë së Shenjtë.
E do të jetë vetë Shenjtëria e Tij që do të kryesojë salikimet e kardinalit të ndjerë
në Bazilikën e Vatikanit të premten, më 20 tetor, duke nisur nga ora 17.