Sekretari i Shtetit të Selisë së Shejtë, kardinali Tarçizio Bertone priti sot paradite
në Vatikan Kryetarin e Parlamentit të Kosovës, Kolë Berishën.
(13.10.06. RV) Në takimin e përzemërt Kryetari i Parlamentit të Kosovës e njoftoi
Sekretarin e Shtetit të Vatikanit me gjendjen aktuale në Kosovë, mbi çështjen e negociatave
me Serbinë dhe Bashkësinë Ndërkombëtare mbi zgjidhjen përfundimtare të statusit të
Kosovës. Po kështu kreyparlamentari Kolë Berisha kërkoi mbështetjen e Selisë së
Shenjtë për Kosovën në këtë periudhë kaq vendimtare për të gjithë qytetarët kosovarë
duke vlerësuar ndihmesën e Bashkësive fetare të Kosovës për stabilitetin e vendit
e kultivimin e bashkëjetesës paqësore ndërmjet feve dge etnive. Sekretari i Shtetit
të Selisë së Shenjtë, kard. Bertone pohoi se vatikani përcjell nga afër dhe më vëmendje
gjendjen në Kosovë dhe ecurinë e negociatave dhe uroi që zgjedhja e statusit të Kosovës
të arrihet më mirëkuptim e në respektimin e të drejtave themelore njerëzore, shoqërore,
etnike e fetare për të gjithë qytetarët që përbëjnë shoqërinë kosovare. Më tej, Kard,
Bertone siguroi Kryetarin e Parlamentin Kolë Berisha, se Kisha katolike në Kosovë
do të japë ndihmesën e saj të pakursyer për përforcimin e paqes e të dialogut ndërmjet
feve dhe kultivimin e vlerave qytetare në mbështetje e ndërtim të një shoqërie të
re e demokratike.