Пастаянны назіральнік ад Святога Пасаду пры ААН арцыбіскуп Сільвано Тамазі выступіў
на 57 сесіі выканкома Камісіі ААН па ўцекачах. Ён падкрэсліў, што ў сучасным глабалізаваным
свеце ёсць неабходнасць вылучаць больш сродкаў на іхную абарону і не ставацца глухімі
да іхных патрэбаў.
Прадстаўнік Ватыкану указаў і на крыніцы , дзе можна знайсці сродкі. "Дастаткова
толькі павялічыць аб'ём дапамогі уцекачам са сродкаў на ваенныя патрэбы." Прэлат
указаў, што за 10 гадоў артыкул выдаткаў на ўзбраенні ўзрос на 34 працэнты - у чыстым
выражэнні гэта значыць больш за мільярд долараў ЗША. "Сотні тысяч людзей страчваюць
жыццё ў безнадзейным пошуку бяспекі. Яны з'яўляюцца трывожным сігналам таго, што наш
глабалізаваны свет і міжнароднае зграмаджанне не ў стане гарантаваць выкананне прынцыпаў
салідарнасці і абароны жыцця". Арцыбіскуп Тамазі выкрыў наяўную сітуацыю, пры якой
людзі ў розных частках свету імкнуцца ўцячы ад войнаў, ад парушэння правоў чалавека
і голаду.Яны маюць тэрміновую патрэбу ў дапамозе". Монс. Сільвано Тамазі напрыканцы
зноў сцвердзіў, што для дзейснай сапраўднай дапамогі людзям неабходна мець сродкі.
Аднак адніх грашовых і матэрыяльных сродкаў недастаткова - неабходна, каб была палітычная
воля для вырашэння крызісу з уцекачамі і рэальнага аказвання дапамогі асобам, што
імкнуцца атрымаць прыстанішча па-за межамі сваёй краіны .