Мэтаю візіта Папы ў Турцыю будзе сустрэча з Усяленскім праваслаўным Патрыярхам Барталамеем.
Па традыцыі, Папа Рымскі нанясе гэты візіт ў Стамбул (старажытны Канстантынопаль)
на свята апостала Андрэя Першазванага.
Календарнае свята - 30 лістапада. Перад тым, 28-га, Бенедыкт 16 сустрэнецца ў Анкары
з прэзідэнтам Турцыі, потым наведае Эфес - месца першахрысціянскай грамады ,што мела
апостальтва Паўлава. 30-га -- урачыстасці і перамовы з Патрыярхам Канстантынопальскім,
1 снежня - святая Імша ў каталіцкай царкве і за ёй сустрэча з мясцовай каталіцкай
грамадой. Пасля гэтага Папа Бенедыкт 16 вернецца ў Ватыкан. Падрыхтоўкі да апостальскага
візіту ідуць поўным ходам, нягледзячы на аніякія пагрозы з боку ісламскіх экстрэмістаў.
Такое паведамленне змешчана ва ўплывовай турэцкай газеце " Нurriyet" пасля папярэдняга,
дзе сцвярджалася, што Ватыкан разглядае магчымасць адмены візіту Папы ў Турцыю пасля
пагрозаў з боку Аль Каіды. Прадстаўнік Ватыкана ў Стамбуле монс. Джорж Маровіч сказаў
журналістам, што ён анічога не ведае аб пагрозах ў адрас пантыфіка i што падрыхтоўкі
да прыёму Папы Бенедыкта 16 ідуць як мае тое быць .