(8.10.2006 RV)Më 8 tetor 1860 lindi Mikel Markianoi, historian i letërsisë,
folklorist dhe përkthyes i njohur arbëresh, autor i veprave "Koloni arbëreshe të Italisë";
"Shqipëria dhe vepra e Jeronim de Radës" si dhe i mjaft studimeve folklorike. Historiani
i letërsisë, folkloristi dhe përkthyesi i njohur arbëresh, Mikel Markianò, emri i
të cilit lidhet me poetin e madh De Rada, të cilit i kushtoi veprën "Shqipëria dhe
vepra e Jeronim De Radës". lindi si sot 146 vjet më parë në fshatin Maki të Kalabrisë. Markiano,
i lidhur ngushtë me traditën arbëreshe, studioi në Napoli, u diplomua në letërsi dhe
punoi si profesor i gjuhëve klasike. Studioi e botoi shumë, si në italisht, ashtu
edhe në arbërisht. Kujtojmë përmbledhjen e tij të pasur "Këngë popullore arbëreshe
të kolonive të Italisë" (1908); "Këngë popullore të Kapitanatës dhe të Molises" (1912);
"Kolonitë shqiptare të Italisë dhe letërsia e tyre" (1913); "Burimi i përrallës greke
dhe lidhjet e saj me përrallat orientale" si dhe përmbledhjen që paraqet shumë interes
sa për pëmbajtjen e saj, aq edhe për vlerat studimore lidhur me zanafillën e krishtërimit
në Shqipëri : "Poezi kishtare shqipe" - me tekste këngësh e vargje të vjetra popullore
kishtare, sjellur në Kalabri nga dheu mëmë.