Përshëndetja e Papës drejtuar, ipeshkvijve evropianë mbledhur për herë të parë në
Shën Pietroburg, në Rusi.
(6.10.2006 RV)Asambleja e Konferencave Ipeshkvnore të Evropës mbahet për herë
të parë në Rusi e pikërisht në Shën Pietroburg. Ndërmjet temave, në qendër të punimeve,
janë gjendja e Kishës katolike në Rusi, ekumenizmi, dialogu ndërfetar, roli i të krishterëve
në Evropë. Në mesazhin papnor urohet që ky takim të inkurajojë Kishën katolike
në Rusi për të dhënë dëshminë dhe kontributin e vet për të mirën e përgjithshme.
Papa thekson edhe se nuk mund të ketë progres në veprimtarinë për ungjillëzimin e
ri, pa bashkëpunimin e ngushtë ndërmjet konfesioneve të ndryshme të krishtera. Ndërsa
në këndvështrimin ekumenik, theksojmë se Patriku i Moskës, Aleksej II, i cili ka dërguar
në Pietroburg një delegacion, shprehu kënaqësinë e tij që asambleja zhvillohet në
Rusi dhe kërkoi më shumë bashkëpunim.