"Паломнікам надзеі" назваў сябе ў апошнім слове перад адбыццём з Масквы арцыбіскуп
Міланскі кардынал Діоніджы Тетаманцы.
Інтэнсіўныя сустрэчы наведання дэлегацыяй каталіцкае Царквы - Рускай Праваслаўнай
Царквы завершыліся прыёмам яе Патрыярхам Маскоўскім і усяе Русі Аляксіем 2. Адбыўся
ён ў патрыяршай рэзідэнцыі Свята-Данілава манастыра. Госць - галава рымска-каталіцкай
дэлегацыі высока ацаніў сілу праваслаўнай духоўнасці і падзвергнуў крытыцы празалетызм
- тую з'яву, якая нарадзіла вялікія непаразуменні між католікамі і праваслаўнымі рускімі.
Італьянская дэлегацыя паднесла ў дар Патрыярху каўчэг з часткаю мошчаў святога Амброзія
Медыяланскага , бо, як было сцверджана, шырока вядома шанаванне Свяціцеля з боку
праваслаўных рускіх. Гэта святая асоба добра вядома на рускай зямлі, дык арцыбіскуп
Міланскі выказаў пажаданене," каб памяць яго магла быць мостам між нашымі Цэрквамі".
У слове ў адказ Патрыярх Маскоўскі і Ўсяе Русі Аляксій 2 сцвердзіў імкненне развіваць
і паглыбляць экуменічныя адносіны. Ён сказаў, што падзяляе заклапочанасць Папы Бенедыкта
16 адносна сучаснай ваяўнічасці сэкулярызму і спажывецтва як сацыяльнага ладу.
Каталіцкая дэлегацыя прысутнічала на патрыяршай службе ва Ўспенскім саборы ў Крамлі,
наведала храм Новамучанікаў і Спаведнікаў Расійскіх, сустрэлася з маскоўскай каталіцкай
грамадой. Адбылася таксама сустрэча з Галоўным Рабінам Масквы. Як было абвешчана
СМІ Расіі, арцыбіскуп Міланскі станоўва адказаў на просьбу вылучыць месца для
створанага новага праваслаўнага прыходу свяціцеля Амвросія Медыяланскага ў Мілане
для вернікаў з Расіі, Беларусі, Украіны і Малдавіі. Кардынал Тэтаманцы запэўніў Алексія
2, што перадасць праваслаўнай грамадзе малітоўны будынак ў бясплатнае карыстанне
на пастаяннай аснове.