Iдзе працэс беатыфікацыі мітрапаліта Андрэя Шэптыцкага
Пад час працы Сінода епіскапаў УГКЦ прыйшло паведамленне з Рыма аб тым, што беатыфікацыйны
працэс мітрапаліта Андрэя Шэптыцкага, які ўзначальваў згаданую Царкву з 1900 да 1944
года, перайшоў да Багаслоўскай камісіі. Па словах старшыні Камітэта па беатыфікацыі
і кананізацыі Сынода біскупаў Міхала Грынчышына, гэта вялікі прагрэс ў справе абвяшчэння
блаславёным Слугі Божага мітрапаліта Андрэя. Перадачу яго справы ў Багаслоўскую камісію
пракаментаваў прэсавай службе УГКЦ святар Раман Церахоўскі, яе з’яўляецца віце-пастулятарам. “Тое,
што справа аб беатыфікацыі мітрапаліта Андрэя Шэптыцкага была нядаўна перададзеная
для далейшай апрацоўкі спецыяльнай Багаслоўскай камісіі ватыканскай Кангрэгацыі да
спраў святых, фармальна значыць, што пасля адпаведнай станоўчай ацэнкі гістарычнай
праўды і аутэнтычнасці сабраных дакументаў, справа перайшла ў кампентэныю Ватыкана,
які павінен належным чынам акрэсліць сабраныя факты. Гэта будзе зроблена дзеля таго,
каб зрабіць афіцыйныя вынікі адносна адпаведнасці сабраных фактаў з жыцця і дзейнасці
Слугі Божага мітрапаліта Андрэя Шэптыцкага аб’ектыўным крытэрыям афіцыйнага прызнання
неардынарнага геройства здзеянных ім добрых спраў”. Па словах а.Рамана, пасля
атрымання падцверджання з боку згаданай камісіі, яго афіцыйны статус будзе акрэсліны
тэхнічным тэрмінам “venerabile”, што зробіць магчымым прызнанне яго блаславёным Каталіцкай
Царквы. Пры гэтым а. Раман Церахоўскі зазначыў: “Гэта адбудзецца пры ўмове прадстаўлення
належным чынам задакументаванага і аўтарытэтна прызнанага кампетэнтнымі царкоўнымі
ворганамі цуда, якое магло быць здзйейснена пры пасрэдніцтве Слугі Божага мітрапаліта
Андрэя Шэптыцкага”.