У ЗША заснавана арганізацыя "Царква і Iзраільская адукацыйная ініцыатыва".
У ЗША заснавана новая пазаўрадавая арганізацыя “Царква і Iзраільская адукацыйная
ініцыатыва”. Мэтай дадзенай арганізацыі з’яўляецца падтрымка адносінаў паміж Каталіцкай
Царквой і ізраільскай грамадскасцю, а таксама праца ў галіне забяспечэння рэлігійнай
свабоды. Старшынёй новай структуры стаў айцец-францішканін Дэвід Джагер, які лічыцца
спецыялістам у галіне адносінаў Царквы і дзяржавы Iзраіль. У дакуменце, які зацверджвае
заснаванне новай арганізацыі, адзначаецца, што яе дзейнасць заснавана на меркаванні
Яна Паўла II°, выказаным у 1993 годзе перад падпісанням з Iзраілем Базавага пагаднення,
якое дало пачатак усталяванню дыпламатычных сувязей. У адной са сваіх прамоў Папа-паляк
адзначыў важнасць рэлігійнай свабоды хрысціянаў, і заклікаў іх да актыўнага ўдзелу
ў грамадскім жыцці краін, дзе яны жывуць. Такім чынам, галоўнымі мэтамі новастворанай
пазаўрадавай арганізацыі з’яўляюцца: гарантаванне свабоды і бяспекі Царквы ў Iзраілі;
падтрымка Царквы ў гэтай краіне, накіраваная на асягненне агульнага дабрабыту яе грамадзян
і рэлігійных грамадаў у Iзраіле і суседніх з ім краінаў, а таксама спрыянне змене
пункта гледжання ізраільтянаў на пытанне супрацоўніцтва Царквы і Блізкага Усхода. Асаблівая
ўвага ў дзейнасці новай арганізацыі будзе надавацца развіццю сяброўскіх адносінаў
паміж хрысціянамі і юдэямі.