Адбылася яна на Плошчы Сьвятога Пятра. Сёньня ў Рыме было вельмі прыгожае надвор”е
дык на сустрэчу з Папам прыбыло шмат вернікаў і паломнікаў з кожнага кутку сьвету.
Была гэта ўжо 33 сустрэча Папы Бэнэдыкта 16 з вернікамі ў гэтым годзе. Сьвяцейшы
Айцец, ў часе сёньняшняе аўдыенцыі, зрабіў падрахунак свайго Апостальскага Падарожжа
ў Баварыю. Дзякуючы Богу за дар зьдзяйсьненьня гэтага падарожжа Папа прыпомніў
асабліва знамянальныя яго этапы. 9-га верасьня прыбываючы ў Мюнхен прыпомніў мэту
свайго візіту: пацьвярджэньне Наступнікам Сьвятога Пятра вузаў, якія спалучаюць Апостальскую
Сталіцу з Нямецкім Касьцёлам. Спасылаючыся да лозунга пілігрымкі: “Хто верыць той
ніколі самотны” Папа Бэнэдыкт 16 прыпомніў, што кожны веруючы належачы да Касьцёла
астаецца ў еднасьці з Богам і братамі. Аддаючы пашану Марыі, заступніцы Баварыі,
на Плошчы “Марыянпляц” у Мюнхэне Сьвяцейшы Айцец прасіў Божую Маці пра Яе блаславенства
для Баварыі і ўсяго Касьцёла. 10 верасьня, нядзеля, Сьвятая Імша ў Мюнхэне была
для Наступніка Сьвятога Пятра нагодаю, каб перасьцерагчы сьвет перад духоўнай глухатою
адносна Бога і прыпомніць, што таксама сучасны чалавек патрабуе Хрыста. 11 верасьня
Альтэтінг, малітва перад абліччам Чорнае Мадонны сталася Сьвяцейшаму Айцу пунктам
выхаду да роздуму над роляю Марыі ў збаўленьні. Папа заахвоціў, каб вучыцца ад Яе
адабрэньню Божае Волі. З удзелам Сьвяцейшага Айца адбылася гэтага дня таксама Эўхарыстычная
працэсыя да новае Капліцы Найсьвяцейшага Сакраманту ды была адпраўлена Вячэрня ў Базыліцы
Сьвятой Анны. 12 верасьня Рэгэнсбург. Раніцай Сьвятая Імша а вечарам Экумэнічная
Вячэрня ў мясцовым Саборы. Асаблівым момантам астаецца Сьвяцейшаму Айцу сустрэча
з асяроддзем Унівэрсытэту ў Рэгэнсбургу, дзе на працягу многіх гадоў быў прафэсарам.
У часе сваёй прамовы Папа ўзьняў тэму адносінаў паміж вераю і розумам. Уводзячы слухачоў
у актуальнасьць пытаньня я працытываў некаторыя словы з хрысьціянска-музульманскага
дыялогу з 14 стагоддзя, якім візантыйскі імпэратар Мануэль Другі Палеолаг, у востры
спосаб прадставіў праблему адносінаў паміж рэлігіяю а насільлем. Працытаваны мною
урывак быў, на жаль, неўласьціва зразуметы. Для ўважлівага чытача майго тэксту- падкрэсьліў
Папа—з яго ясна вынікае, што я не жадаў у ніякі спосаб зрабіць маімі адмоўныя словы,
якія высказаныя ў гэтым дыялогу сяржднявечнага імпэратара, калі іх палесічны зьмест
не выказвае майго асабістага перакананьня. Мой намер быў зусім іншы. Я жадаў паясьніць,
што не рэлігія і насільле, але рэлігія і розум ідуць разам. Далей Сьвяцейшы Айце
прыпомніў вялікія заданьні, якія стаяць перад вялікімі рэлігіямі, ў сфэры веры, культуры
і абароны вартасьцяў. Выказаў надзею, што пасьля рэакцыяў першае хвіліны, яго словы
высказаныя на Унівэрсытэце ў Рэгэнсбуругу змогуць стацца заахвочаньнем да пазітыўнага
дыялогу. 14 верасьня апошні дзень падарожжа Фрайсінг. Успамінаючы свае сьвятарскія
сьвядчыны ў тамашняй Катэдры Сьвяцейшы Айце сустрэўся, ў гэтым асаблівым месцы, са
сьвятарамі і пастаяннымі дыяканамі. Разьвітваючыся на лётнішчы у Мюнхэне з Баварыяю
Папа заахвоціў сваіх суродзічаў і ўсіх веруючых да вернага трываньня пры Хрысьце і
Эвангэльлю. На заканчэньне аўдыенцыі Папа прывітаў усіх вернікаў, асабліва
хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.