Ja argumentet kryesore të programit të 19 shtatorit
Telegram ngushëllimi i Benediktit të XVI për vdekjen Motër Leonelës Sgorbatit, vrarë
pas shpine nga fondamentalistët islamikë në Somali. “Gjaku i rregulltares katolike
bëftë të lulëzojë vëllazëria e vërtetë ndërmjet popujve”, pohoi Papa.
Nga mbarë
bota, shprehje solidariteti me Papën, pas saktësimeve lidhur me domethënien e fjalëve
mbi Islamin shqiptuar në Regensburg. Shqetësim për kërcëime të Al Kaedës.
Në
OKB të Gjenevës, imzot Tomasi, Vëzhgues i Selisë së Shenjtë, ndërhyri mbi fjalët e
Papës shqiptuar në Regensburg: ato të Papës, pohoi, janë një impenjim i ripërtërirë
për dialogun ndërmjet feve dhe refuzim i dhunës nga ana e të gjithë besimtarëve;
Ndërsa
vijojnë reagime të kundërta në botën islame ndaj citimeve të Papës në fjalimin e Regensburgut.
Komenti i fjalëve të Papës nga prof. Ernesto Gali della Loggia;
“Bota ka
nevojë për një hov solidariteti në ndihmë të vendeve më pak të zhvilluara.” Thirrje
në OKB e kryeipeshkvit Çelestino Miliore.
Sot u kremtua 160 vjetori i shfaqjes
së Virgjërës Mari në La Salette të Francës.
Autoritetet indoneziane vendosën
që të zbatojnë dënimin me vdekje të tre katolikëve, akuzuar për vrasjen e 200 myslimanëve
në vitin 2000.
Duke shfletuar kalendarin, Kisha kremtoi sot festën e Shën
Gjenarit, pajtor i qytetit të Napolit.