У Iндыі адзначылі Х гадавіну са дня смерці Маці Тэрэзы.
У індыйскім горадзе Ахмадабадзе сотні людзей розных канфесій сабраліся на плошчы
Маці Тэрэзы Калькутскай 5 верасня, каб ушанаваць памяць гэтай славутай блаславёнай
у дзясятую гадавіну яе смерці. У сваім слове арцыбіскуп Ахмадабада Томас Макван
заклікаў сабраных наследваць прыкладу Маці Тэрэзы і “выйсці за вузкія межы ўласных
рэлігійных суполак”. У гэтым сэнсе месца знаходжання плошчы Маці Тэрэзы магчыма
лічыць сымвалічным. Яна знаходзіцца ў самым цэнтры горада. З аднаго боку да яе прылягае
вялікі мусульманскі квартал, а з іншага – буддыстскі храм багіні Бхадракале. Плошча
поўная зелені і кветак, а ў яе цэнтры ўстаноўлена бронзавая статуя Маці Тэрэзы. Пасля
заканчэння кароткай цэрымоніі вернікі ўсклалі кветкі і вянкі да падножжа статуі, а
сёстры з заснаванай ёй кангрэгацыі спелі песню, прысвячаную сваёй вялікай заснавальніцы. У
Ахмадабадзе сёстры працуюць у дзесяці дамах, у якіх яны клапоцяцца аб самотных, паміраючых,
сіротах, дзецях, якіх пакінулі бацькі, пракажоных і хворых на СНIД.