Грэка-католікі Украіны рыхтуюцца да правядзення Сынода.
13 – 20 верасня бягучага года ў Львове будзе праходзіць Сынод епіскапаў УГКЦ. Асаблівасць
сёлетняга Сінода ў тым, што ў працэсе яго падрыхтоўкі прыймалі ўдзел не толькі духоўныя
асобы, але і свецкія вернікі. “Мы жадалі даць пачуць усім вернікам Царквы падчас падрыхтоўкі
Сінода, што калі яны хочуць, то могуць прыняць удзел у гэтым працэсе”, - зазначыў
Галава УГКЦ мітрапаліт Любамір Гузар. Па паведамленню прэс-службы кіраўніка грэка-католікаў
Украіны, епіскапы звярнуліся да ўсіх сваіх вернікаў з прозьбай выказаць у пісьмовай
форме свае думкі адносна фармавання паклікання святароў, адукацыі, фармаціі, жыцця
святароў у прыходах і г.д. Для эфектыўнасці супрацоўніцтва было прапанавана захоўваць
пэўны рэгламент. “Мы не будзем уваходзіць у дыскусію. Усё, што будзе напісана, мы
прыймем, а тады будзем імкнуцца гэта абмеркаваць. Потым цікавыя, канструктыўныя думкі
будуць прадстаўлены для дыскусіі на Сынодзе”, - паясніў мітрапаліт Гузар. У адрас
Сакратарыята Сынода епіскапаў УГКЦ ужо прыйшло каля дваццаці лістоў ад вернікаў, у
якіх яны падалі свае прапановы.