У італьянскім горадзе Асізі, ў аўторак 5-га верасьня, закончылася малітоўная міжрэлігійная
сустрэча за мір у сьвеце. Была яна зарганізаваная ў 20-ю гадавіну перашае такога
роду сустрэчы, на якую запрасіў прадстаўнікоў розных веравызнаньняў, да гораду сьвятога
Францішка, Слуга Божы Ян Павал ІІ. Да ўдзельнікаў гэтае сустрэчы Папа Бэнэдыкт
16 накіраваў сваё пасланьне. У ім падкрэсьліў актуальнасьць інтуіцыі свайго папярэдніка,
які паказаў ролю малітвы ў будаваньні міру. Сьвяцейшы Айцец зьвярнуў увагу на значэньне
сьведчаньня малітвы прадстаўнікоў розных рэлігійных традыцый. Яны паказалі, што малітва
не падзяляе, але спалучае і зьяўляецца вырашальным элемэнтам ў пасьпяховай пэдагогіцы
міру. Сёньня больш чым калі-небудзь мы патрабуем такой пэдагогікі, глядзеўшы асабліва
на новае пакаленьне- сьцвердзіў Папа Бэнэдыкт 16. Адначасна высказаў боль, што так
многа маладых людзей, асабліва ў раёнах канфліктаў, выхоўваюцца ў атмасфэры нянавісьці
і помсты, ў ідэалогіі, ў якой захоўваюцца даўнейшыя траўмы і падрыхтоўваюцца розумы
да актаў насільля. “Трэба зьнішчаць такія бар”еры і дапамагаць маладым людзім ісьці
з духам часу”—сьвердзіў у сваім пасланьні Папа. На заканчэньне свайго пасланьня
Сьвяцейшы Айцец ўказаў постаць Сьвятога Францішка, які сёньня зьяўляецца патронам
для людзей, якія шукаюць міру, пашаны прыроды ды дыялогу розных веравызнаньняў і культур.
Прыпомніў, што сёлета мінае 800-т гадоў ад часу наверненьня Бедака з Асізі, а ключом
ягонага братэрства быў радыкальны выбар Хрыста.