Камітэт па спорту Папскай рады па справах свецкіх выпусціў зборнік артыкулаў. Мэта
структуры ва ўлонні Ватыкану , якая мае толькі 2 гады ,- спрыяць развіццю хрысціянскіх
адносінаў да спорту.
Культ цела як такога, а не як храма духа, асуджваецца ў гэтай публікацыі, як і надзьмуты
індывідуалізм, які праз гэта выказваецца. Кніга прыклікае да сапраўднага спорту, які
ёсць прыгожым чэсным спаборніцтвам. Ва ўступным слове да зборніка "Сучасны свет
спорту: галіна хрысціянскай адданасці" кіраўнік папскага Савету па справах свецкіх
арцыбіскуп Станіслаў Рылко адзначыў, што тэма заслугоўвае паглыбленага вывучэння,
бо спорт захоплівае людзей ад пачатку гісторыі чалавецтва, а сучасны спорт з'яўляецца
масаваю з'яваю. Цытуючы тут словы папы Яна Паўла 2 - спартсмена ў юнацтве - арцыбіскуп
рылко падкрэслівае, што спорт з'яўляецца школаю гуманізма, абуджае дружалюбныя пачуцці,
дух ўз'яднання каманды, жаданне быць моцным каб абараняць слабых. Ён прыпамінае словы
папы-паляка, што ў залежнасці ад душэўных якасцей удзельнікаў і арганізатараў спаборніцтваў
спорт можа быць высакародным ці толькі прыбытковым, можа аб'ядноўваць. а можа варожа
падзяляць людзей. Папская рада пас справах свецкіх усталявала Спорткамітэт
у 2004 годзе.Ён супрацоўнічае з аматарскімі арганізацыямі, маладзёвымі групамі і
прафесіяналамі спорту па цэлым свеце. Мэта - спрыяць развіццю хрысціянскіх адносінаў
да спорту і дапамагаць спарцменам-хрысціянам умацоўвацца ў веры.