Як мы ўжо паведамлялі ў нашых папярэдніх праграмах, Свяцейшы Айцец Бенедыкт XVI°
5 жніўня бягучага года даў інтэрв’ю, трэцюю частку якога мы зараз прапануем вашай
увазе ў нашым перакладзе на беларускую мову. Пытанні Свяцейшаму Айцу задавалі карэспандэнты
“Баварскага Радыё”, “Паўднёва-нямецкага радыё”; “Нямецкай хвалі” і “Радыё Ватыкана”. Пытанне:
Свяцейшы Айцец, хрысціянства распаўсюдзілася з Еўропы па ўсяму свету. Цяпер многія
лічаць, што будучыня Царквы – на іншых кантынентах. Ці ж гэта сапраўды так? Карацей
кажычы, якую будучыню чакае хрысціянства ў Еўропе, дзе яно, здаецца, зводзіцца да
асабістай справы меншасці насельнікаў? Адказ Бенедыкта XVI°: Я б спачатку выдзяліў
нейкія нюансы. На самой справе мы ведаем, што хрысціянства з’явілася на Блікім Усходзе.
I на працягу значнага перыяда яго асноўнае развіццё адбывалася менавіта там, і распаўсюдзілася
ў Азіі намнога болей, чым нам здаецца сёння, пасля ўсіх зменаў, якія прынёс іслам.
З іншага боку, менавіта з-за яго вось значна змесцілася на Захад – у Еўропу. А Еўропа
– што дае нам права на радасць і гонар – ў далейшым развівала хрысціянства ў яго асноўных
аспектах, у тым ліку інтэлектуальных і культурных. Але я думаю, - працягнуў сваю думку
Папа, - што важна не забывацца аб хрысціянах Усходу, бо ёсць рызыка, што яны, будучы
заўсёды значнай меншасцю, якая знаходзілася ў плённых адносінах з іншымі народамі
Усходу, цяпер эмігруе. I месцы, адкуль бярэ пачатак хрысціянства, вельмі рызыкуюць
застацца без хрысціянаў. Я думаю, што трэба садзейнічаць таму, каб яны здолелі застацца
там. Але цяпер перойдзем непасрэдна да Вашага пытання. Еўропа, безумоўна, зрабілася
цэнтрам хрысціянства і яго місіанарскай дзейнасці. Цяпер іншыя кантыненты, іншыя культуры
маюць раўную вагу ў сусветным гістарычным узаемадзеянні. Царква робіцца шматгалоснай,
і пазітыўна тое, што ў ёй выяўлены розныя тэмпераменты – асаблівыя дары Афрыкі, Азіі
і Амерыкі, асабліва Лацінскай Амерыкі. Зразумяла, усе закрануты не толькі хрысціянскім
пасланніцтвам, але і цывільным пасланнем гэтага свету, якое нясе на гэты кантыненты
тыя ж самыя выпрабаванні, што мы ўжо перажылі. Біскупы іншых частак свету гавораць:
мы ўсе яшчэ маем патрэбу ў Еўропе, хаця ж Еўропа – толькі частка цэлага, якое шмат
большае. Мы па-ранейшаму маем адказнасць, якая паходзіць з нашага вопыта, з богаслоўскай
навукі, якая развілася менавіта тут, з нашага літургічнага вопыта, з нашых традыцый,
з накопленага намі экуменічнага вопыта: усё гэта вельмі важна і для іншых кантынентаў.
Аднак, мы не павінны капітуліраваць, кажучы:”Ну вось , мы – толькі меншасць, дык давайце
хаця ж захаваемся ў такой малой колькасці!” Мы павінны захаваць дынамізм, адкрыцца
да абмену, каб чэрпаць новыя сілы з вонку. Сёння ў Еўропе ёсць індійскія і афрыканскія
святары, у Кандзе святары з Афрыкі паспяхова працуюць. Ёсць узаемны абмен дарамі.
Але калі мы ў будучым атрымаем болей, то будзем павінны і аддаваць болей з усёй мужнасцю
і дынамізмам. Наступнае пытанне: Свяцейшы Айцец, гэта пытанне ўжо закраналася.
Сучасныя грамадства ў важных палітычных і навуковых рашэннях не арыентуюцца на хрысціянскія
вартасці, а Царкву – нам гэта вядома з апытанняў – часта разглядаюць, як перасцерагаючы
ці, нават, стрымліваючы голас. Ці ж не павінна Царква пакінуць “баронячую пазіцыю”
і прыняць на сябе больш пазітыўную ролю ў адносінах да будучыні? Адказ Бенедыкта
XVI°: Я б сказаў, што наша пакліканне – гэта рабіць як мага болей відавочным тое станоўчае,
да якога мы імкнемся. Гэта мы павінны рабіць перад усім у дыялогу з культурамі і з
рэлігіямі, бо, як я ўжо адзначыў, афрыканскі кантынент, афрыканскую душу, азіятскую
душу палохае халадносць нашага розума. Але важна зразумець, што мы складаемся не толькі
з гэтага. I, з іншага боку, важна тое, каб наш цывільны свет зразумеў: хрысціянская
вера – гэта не перашкода, але мост ў дыялогу з іншымі культурамі. Было б памылкова
лічыць, што чыста рацыянальная культура дзякуючы сваёй цярпімасці аблегчвае кантакт
з іншымі рэлігіямі. Ёй не хапае “рэлігійнага воргана”, а разам з ім і пункту сутыкнення,
ад якога паходзяць узаемныя адносіны і да якога яны імкнуцца. I мы павінны, - працягнуў
Папа, - мы павінны даказаць, што менавіта дзеля новага супрацоўніцтва культур, у якім
мы жывем, чыстага розума, аддзеленага ад Бога, недастаткова: неабходна больш шырокая
рацыянальнасць, якая бачыць Бога ў гармоніі з розумам, якая разумее, што хрысціянская
вера, якая развілася ў Еўропе, з’яўляецца таксама сродкам аб’яднання розума і культуры,
а таксама іх інтэграцыі ў адзіным дзеянні, у ўсё ахопліваючым бачанні. Думаю, што
ў гэтай галіне нам даручана важнае заданне – паказаць, што Слова, якім мы валодаем,
- гэта не “старая спадчына” гісторыі, але патрэба сёняшняга дня.