(28.8.2006 RV)Një kamikaze me autobombë shkaktoi 13 të vdekur sot në Bagdad.
Atentati ndodhi përpara Ministrisë së brendshme ku ishin mbledhur përfaqësues të policisë
nga i gjithë Iraku. Po ashtu në përleshjet me rebelët e Moktada Al Sadrit, u vranë
25 ushtarë irakianë si edhe një numër i papërcaktuar civilësh. Edhe nga radhët e ushtrisë
amerikane pati viktima prej luftimeve me rebelët. Dje u vranë 6 ushtarë amerikanë.
Edhe
në Afganistan pati atentat me kamikaze. Një person u hodh në erë në mes të një turme
me njerëz në tregun e Gahut në jug të vendit. Pati 17 të vdekur dhe 47 të plagosur,
17 prej të cilëve fëmijë. Objektivi ishte vrasja e një ish-komandanti të policisë
të regjimit komunist.
Turqia u trondit sërish nga atentate të reja. Dje dhe
sot shpërthyen tri bomba në qytetin bregdetar Marmaris, që në këtë periudhë ka shumë
vizitues. Askush nuk e ka marrë përsipër deri më sot autorësinë e atentateve, por
autoritetet mendojnë se pas tyre fshihet dora e partisë punëtore kurde.