Рэдкае адкрыццё адбылося пад час будаўнічых прац у ірландскай мясцовасці Моор. Выпадкова
там быў знайдзены псалтыр, якому 1200 гадоў. “Знаходка стала сенсацыяй для навукі,
а разам з тым хвалюючым сведчаннем таго, што хрысціянства ў сваім раннім перыядзе
квітнела ў Iрландыі”, - адзначыў дырэктар Народнага музея Iрландыі Пат Уэллац. Па
яго меркаванню, напісаныя на пергаменце фрагменты Бібліі знаходзяцца ў вельмі добрым
стане. Iх, напісаных на лацінскай мове, магчыма было лёгка прачытаць непасрэдна на
месцы знаходжання псалтыра. Каштоўны рукапіс цяпер знаходзіцца ў Дубліне, дзе
і будзе ўважліва даследаваны. Гэта кніга вялікага фармата, на адной старонке змешчана
каля 40 тысяч святых вершаў. Невядомым застаецца той факт, як і чаму пергамент апынуўся
ў Мооры. Навукоўцы мяркуюць, што кніга была згублена ці скрадзена. Музэйны эксперт
па рукапісах Бернард Міхан падкрэсліў, што з часоў сярэднявечча гэта першая знаходка
такога тэкста за апошнія 200 гадоў. Мяркуецца, што ён быў напісаны каля 800 года ад
Нараджэння Хрыстовага.