Папа Бенедыкт XVI° плануе наведаць Сербію “з мэтай умацавання сувязей паміж хрысціянскімі
Цэрквамі і рэлігійнымі грамадствамі”. Аб гэтым заявіў 12 жніўня ў сербскім горадзе
Новы Сад Апостальскі нунцый ў Сербіі арцыбіскуп Еўдженіо Сбарбаро. “У заяве Свяцейшага
Айца асабліва адзначаецца, што дзеля набліжэння вернікаў розных канфесій і аб’яднання
грамадства, у вогуле, гэты візіт абавязкова будзе здзейснены ў наколькі будзе магчыма
карацейшы тэрмін”, - падкрэсліў прадстаўнік Ватыкана. Ён заклікаў сербскія цывільныя
і духоўныя ўлады, таксама як і простых грамадзян краіны, зрабіць усё магчымае для
забеспечэння наведвання Сербіі галавой Рыма-каталіцкай Царквы. Падарожжа ў Сербію
планаваў здзейсніць яшчэ папярэднік сучаснага Папы – Ян Павел II°, аднак да канца
яго зямнога шляху так і не здоліў ажыццявіць гэта сваё жаданне.