Si sot, një vit më parë ishte dita Ndërkombëtare e Këlnit, i pari udhëtim ndërkombëtar
i Benediktit XVI.
(18.8.06 RV)Mbi trashëgiminë e asaj ngjarjeje, reflektimi i
kryeipeshkëvit Angelo Comastri, vikar i përgjithshëm i Papës për Qytetin e Vatikanit. “Të
takuarit e aq shumë të rinjve me Pasardhësin e Papës është një shenjë e vitalitetit
të Kishës. Jam i lumtur që gjendem në mes të rinjve, që mund të nxis fenë dhe që mund
të gjallëroj shpresën”: Me këto fjalë, shqiptuar me 18 gushtin e vitit të shkuar në
aeroportin e Bon-Këlnit, Benedikti XVI niste udhëtimin e tij të parë ndërkombëtar.
Rasti: Dita e XX Ndërkombtare e Rinisë, e thirrur tri vjet më parë nga Gjon Pali
II në Këln, qytet që në katedralen e vet ruan reliket e Tre Dijetarëve të Lindjes.
“E quaj gjest dashurie të Provanisë Hyjnore — pat pohuar Benedikti XVI, kur mbërriti
në Gjermani – që, edhe pse nuk e vendosa unë, vizita e ime e parë jashtë Italisë,
po zhvillohet në atdheun tim.” Në kujtim të atij udhëtimi apostolik dhe për një reflektim
mbi trashëgiminë shpirtërore të Ditës së parë të Rinisë të Benediktit XVI, në mikrofonin
e Radio Vatikanit flet kryeipeshkëvi Angelo Comastri, vikar i përgjithshëm i Papës
për Qytetin e Vatikanit:
Përgjigje: Takimi i Këlnit ishte në vazhdën
e një ecjeje të gjatë filluar nga Gjon Pali II në 1984. Papa Benedikti XVI u gjet
përpara kësaj trashëgimie dhe “u zhyt” në të me entuziazëm të madh. Një Papë i moshuar
si ai, shihet se ka kërkuar në të gjitha mënyrat të gjejë një gjuhë të re, të thjeshtë,
të kuptueshme. E duhet thënë se fjalimet e këtij teologu të madh, janë fjalime që
u përshtaten edhe të rinjve; fjalime që kanë përmbajtje, që i shqyrtojnë problemet
konkretisht, duke u përpjekur të vënë gjithnjë në dukje sigurinë e mesazhit të krishterë,
duke u përpjekur për të bërë të kuptohet se është e bukur të besosh, se jeta ndriçohet
nga bukuria dhe — do të thosha, nga dëshira për të jetuar, kur takohesh me Zotin Jezu
Krisht. Kjo orvatje për të nënvizuar sigurinë e mesazhit ungjillor, që pastaj edhe
është i tillë, mund të themi se është veçoria themelore e Papës Benedikti XVI.
Pyetje:
Çasti kulmor i Ditës Ndërkombëtare të Rinisë në Këln ishte Adhurimi i të Shejtnueshmit.
A mund të thuhet, në pak fjalë se ato ditë Papa u ofroi të rinjve, dhe jo vetëm atyre,
por në vençanti të rinjve, një katekizëm të madh e të thellë mbi Misterin e Eukaristisë,
që shndërron botën?
Përgjigje: Natyrisht, shihet se Papa Benedikti
XVI ka një ndjeshmëri të lartë përballë misterit, dmth përballë raportit të njeriut
me Zotin, që ne shprehim me fjalën “mister”. Zoti është transhendent dhe afër në të
njëjtën kohë. Dhe kur ne vihemi përpara Zotit, nuk mund ta kthejmë këtë raport në
diçka të rëndomtë. Familja e krishterë është një vëllazëri, që i hapet Zotit. Prandaj
Papa e deshi — pikërisht në zemër të asaj të Dite Ndërkombtare të Rinisë — atë orë
Adhurimi që ishte diçka mbresëlënëse! E kujtoj ende atë turmë të rinjsh në heshtje,
në Këln, në adhurim, ndërsa mbi mal ishte vendosur Jezu Krishti. Nga kjo kuptohet
se Papa donte t’u thoshte të rinjve: “Shihni se zemra e kësaj Dite nuk jam unë, edhe
pse jam Papë. Zemra e Ditës është Ai!”
Pyetje: Ja, një vit pas Ditës
Ndërkombtare të Rinisë në Këln, cila është trashëgimia më e frytshme e asaj ngjarjeje?
Përgjigje:
Para së gjithash, këto ngjarje të mëdha kanë kuptim nëse janë të përgatitura dhe
nëse kanë vazhdimësi. Të rinjtë që janë përgatitur për rrugëtim janë shoqëruar edhe
nga udhërrëfyes, që e kanë sensin e Ditës. Të rinjtë që vazhdojnë në këtë rrugëtim
përfitojnë shumë nga Ditët Botërore të Rinisë. Të njëjtin përfitim që kihet edhe nga
e dielja: dita e festës të ngarkon, të mbush, të kalit, e pastaj kthehesh në jetën
e përditshme i rikalitur nga ai takim. Kështu janë, në një hark kohor më të gjatë,
Ditët Botërore të Rinisë: çaste të mëdha, momente të jashtëzakonshme, por që duhet
të zbatohen në jetën e përditshme.
Pyetje: Shkëlqesi, në Këln Papa
takoi të rinjtë por edhe një delegacion besmitarësh myslimanë, e pastaj erdhi edhe
vizita historike në sinagogë. Ja, ju që i keni jetuar personalisht dhe në mënyrë intensive
ato ditë, a keni ndonjë kujtim të veçantë të ndonjë ngjarjeje që nuk u përkitte vetëm
të rinjve?
Përgjigje: Fjalimi shumë i kthjellët që Papa u mbajti
vëllezërve myslimanë, kujtoj se u bëri shumë përshtypje të rinjve. Papa u tregua shumë
i hapur por edhe shumë i vendosur: sqaroi me qartësi të jashtëzakonshme se në histori
të gjithë kemi diçka për të cilën duhet të kërkojmë falje, por nëse duam me të vërtetë
të vihemi për rrugë, për një rrugëtim të ri, duhet të mësojmë të respektojmë të gjithë
dhe të respektojmë njëri-tjetrin në identitetet respektive. Të njëjtën gjë bëri edhe
me vëllezërit hebre, duke u bërë të kuptojnë tërë përzemërsinë e Kishës Katolike.
Papa donte t’u thoshte vëllezërve hebre se në rrënjë, ne jemi “semitë”, ashtu siç
nuk lodhej së përsërituri Papa Piu XI, dhe se kjo është një histori, që as nuk mund
të injorohet e as të pritet. Dhe takimi me vëllezërit hebre, e vëri këtë në dukje
në mënyrë madhështore. Besoj se edhe nga ata u kuptua pastaj në një mënyrë të veçantë