Londra asgjësoi planet e sulmeve terroriste kundër avionave në fluturim për në SHBA:
janë arrestuar 21 persona, kryesisht mysulmanë britanikë.
(10.8.06- RV)Gjendje alarmi në Britani të Madhe sot pas lajmit se Scotland
Yard-i dhe shërbimet sekrete angleze zbuluan një varg atentatesh organizuar në linjat
ajrore që lidhin këtë vend me SHBA-ës. Terroristët kishin arritur të kalonin nëpër
kotrollet doganore eksploziv të lëngët e të pakapshëm nga metal-detektorët. Sipas
burimeve policore po përgatitej një masakër e madhe ajrore, shumë më e madhe dhe më
katastrofike se ajo e 11 shtatorit. Gjatë natës policia britanike arrestoi 21
persona, identiteti i të cilëve nuk është bërë i njohur ende. Bëhet fjalë sidoqoftë
për myslimanë britanikë, disa nga të cilët me origjinë nga Pakistani. Në shtëpitë
e tyre njoftuan burimet policore u gjetën materiale që mund të ishin përdorur për
sulme terroriste. Ndërkaq në aeroportet angleze orarët e fluturimeve kanë ndryshuar
duke shkaktuar pritje të gjata për udhëtarë.