Izraeli autorizon zgjërimin e ofensivës në Libanin jugor. Në terren situata është
gjithnjë më kritike.
(10.8.06 RV)Edhe pse trupat izraelite u tërhoqën gjatë natës nga disa fshatra
prapseprapë aviacioni i vijoi sulmet ajrore. Dje këshilli i sigurisë i qeverisë
izraelite miratoi vendimin për zgjerimin dhe depertimin e ofensivës në brendësi të
Libanit deri në 30 kilometra nga kufiri, por tani për tani ushtria vendosi ta pezullojë
mësymjen e re për t’i dhënë kohë diplomacisë të veprojë. Por diplomacia është
ende larg arritjes së një kompromisi. Sot në Pallatin e Qelqtë u diskutua përsëri
propozimi francez për tërheqjen e shkallëzuar të izraelitëve. Ndërkaq raketat hezbollahe
vazhdojnë të bien mbi Izrael, kurse udhëheqësi i hezbollahëve Nasrallah, kërcënoi
përsëri se do ta kthejë jugun e Libanit në një varrezë izraelitësh. Sipas të dhënave
të fundit të autoriteteve libaneze, deri tani lufta ka shkaktuar 1000 të vdekur, 30%
e të cilëve janë fëmijë nën 12 vjeç.