У Харбіне будзе адбудавана праваслаўная царква Святога Мікалая.
Драўляны Свята-Мікалаеўскі храм будзе адноўлены ў гэтым кітайскім горадзе на сродкі
прыватных інвестараў. З праектам рэканструкцыі гэтай адной з самых вядомых забудоў
старой часткі Харбіна выступіла мясцовая кампанія, якая мае шчыльныя стасункі з расейскімі
партнёрамі. Будаўніцтва драўлянага храма было завершана ў самым пачатку ХХ стагоддзя,
а пад час кітайскай “культурнай рэвалюцыі” (1966-1976 гг..) яго зруйнавалі хунвэйбіны. Па
словах прадстаўніка кампаніі, аднаўленне будынка будзе каштаваць больш за 6 млн. даляраў.
Новы будынак будзе пабудаваны, як і арыгінал, без адзінага цвіка. У ім плануецца размесціць
выставу рускага мастацтва і рамёстваў. Каля будынку будзе зроблены Рускі тэматычны
парк, упрыгожаны скульптурамі вялікіх расіянаў, у тым ліку Iльва Талстога і Аляксандра
Пушкіна.